O dereito á vida é o principal valor e dereito humano: «Todos teñen dereito á vida e á integridade física e moral, sen que en ningún caso, poidan ser sometidos a tortura nin a penas ou tratos inhumanos ou degradantes». (Constitución Española. 1978. Art. 15).
«Todo individuo ten dereito á vida, á liberdade e á seguridade da súa persoa». (Declaración Universal dos Dereitos Humanos, ONU. 1948. Art. 3).
Un principio ético da moral católica: «A eliminación directa e voluntaria dun ser humano inocente é sempre gravemente inmoral (…).
A decisión de privar a un ser humano inocente da súa vida é sempre mala desde o punto de vista moral e nunca pode ser lícita nin como fin, nin como medio para un fin bo». (San Xoán Paulo II (1920-2005): Encíclica Evagelium vitae» —O evanxeo da vida—. 1995, n.º 57).
Sabías que…?
Na sociedade actual existe unha falta de valores e de virtudes morais.
Por iso, moitas persoas interpretan a vida humana desde o relativismo ético e moral: todo é bo ou malo segundo o meu propio egoísmo e libertinaxe ( Gal 5, 3-15).
Pola súa banda, a Igrexa e os cristiáns, valórana desde a súa fe e conversión a Cristo, desde a moral católica da vida humana e a misión salvadora de Jesús: «Eu vin para dar vida aos homes e para que a teñan en plenitude» ( Jn 10, 10).
2.1 Interpretación católica da vida humana
A moral católica da vida humana é a dimensión máis importante da moral católica xeral. Esta moral baséase en:
❚ A fe cristiá: «Creo nun só Deus, Pai todopoderoso, Creador do Ceo e da terra, de todo o visible e o invisible. (…) Creo no Espírito Santo, Señor e dador de vida. (Credo niceno).
❚ A fe en Xesucristo, na súa resurrección e na vida eterna. Jesús dedicou a súa vida para defender a vida humana. Realizou moitas curacións que devolveron a saúde e a dignidade a multitude de enfermos. Fixo milagres que restituíron a vida a persoas mortas. Resucitou e ensinou como vivir eternamente: «Eu son a resurrección e a vida: o que cre en min, aínda que morrese, vivirá» ( Jn 11, 25-26).
❚ O quinto mandamento: «Non matarás» (*Éx 20, 13).
❚ As orientacións que propón o maxisterio da Igrexa católica sobre a vida humana e a súa problemática actual.
❚ Os valores, as virtudes, os principios éticos e os comportamentos morais a favor da vida, que o cristián debe coñecer e practicar.
2.2 Valores e principios éticos cristiáns
Os seguintes principios éticos son os criterios xerais que axudan ao católico para diferenciar os bos comportamentos dos malos, os valores dos antivalores, e a saber comportarse #ante situacións de defensa ou de destrución da vida humana.
❚ O dereito á vida. É o primeiro e o máis importante de todos os valores e dereitos humanos. E iso, pola dignidade e o valor incomparables que posúe cada persoa por si mesma.
❚ A vida humana é unha realidade sacra para os cristiáns, porque é unha creación e un agasallo de Deus. Debemos coidala e transmitila con responsabilidade e amor. Desde a concepción ata a morte, todos os momentos da vida humana teñen un valor absoluto.
❚ O cristián debe respectar, defender e amar toda vida humana. Especialmente, a vida dos máis indefensos: fetos, recentemente nados, enfermos, minusválidos, anciáns, moribundos, etc. Tamén, debe denunciar os comportamentos e as leis que atentan contra a vida.
2.3 Comportamentos morais cristiáns
Algúns comportamentos morais a favor da vida humana que o cristián debe practicar son:
❚ Participar na creación de centros de axuda para persoas que se atopan en circunstancias difíciles na súa propia vida.
❚ Acoller e adoptar bebés, nenos, adolescentes, minusválidos e anciáns que se atopan sen familia e abandonados pola sociedade.
❚ Colaborar con algunhas ONG de axuda á vida, doar órganos, etc.
❚ Votar e apoiar partidos políticos que defendan a vida humana.
❚ Desenvolver a ética na investigación médica e na formación profesional do persoal que traballa na sanidade.
1 Escribe no teu pc unha frase con cada grupo de palabras:
a) vida – humana – relativismo – moral.
b) características – moral – católica – vida – humana.
2 Explicar. Elixe e explica coas túas palabras un principio ético da moral católica da vida humana.
3 Pon un exemplo dun comportamento cristián a favor da vida humana.
4 Resume e explica cun exemplo a principal idea desta páxina.
5 Demostrar. Responde á seguinte opinión, con información e argumentos:
«A Igrexa non debe informar sobre a súa moral da vida humana. Cada persoa, co seu corpo, pode facer o que queira: decidir sobre a súa vida ou a vida do feto».
6 En parella, consultade na internet os materiais da última «Xornada pola Vida»
e contestade as preguntas:
a) Que vos chama máis a atención?
b) Que propón para defender a vida humana?
• «Xornada pola Vida» :
http://www.conferenciaepiscopal.es/jornada-a-vida-2018/
• Xogo sobre os Dereitos Humanos:
http://www.genmagic.net/derechos/indexfla. swf
• Para dialogar sobre imaxes dos Dereitos Humanos:
http://www.amnistiacatalunya.org/edu/humor/dudh/index.html
No hay comentarios:
Publicar un comentario
0 puntos en caso de plagios