3º ESO: T.7.1: EXPERIENCIAS HUMANAS E CRISTIÁS: A MISIÓN CRISTIÁ.

 

Experiencias humanas e cristiás

A Igrexa é un misterio de comuñón con Deus. É a familia de Deus na historia e o novo pobo de Deus, formado por todos os bautizados. Cada bautizado debe colaborar na misión da Igrexa.

O seguinte testemuño mostra como unha moza católica atópase con Cristo na Iglesia, por medio dun misioneiro católico. 

E como a partir deste encontro persoal con Cristo, reforza a súa pertenza á Igrexa e comprométese coa misión da Igrexa.

1.1 A misión cristiá de Laura López

Varios mozos cristiáns pasan o verán nun país pobre. Alí traballan como voluntarios e sen cobrar nada. 

Traballan como enfermeiros, médicos, albaneis, mestres… Alí constrúen casas, comedores, pozos de auga; dan clases; visitan aos presos…

Así colaboran coa misión da Igrexa e practican valores como a solidariedade, o compartir… 

Esta experiencia cámbialles a vida e failles descubrir a súa vocación cristiá: que quero facer coa miña vida? Cal é a miña misión na Igrexa? 

Isto é o que lle ocorreu a Laura López.

Así nos conta como comezou a súa historia: «Tiña 15 anos e un  claretiano veu a clase a relatarnos a súa experiencia misioneira en Honduras. Non recordo nin unha soa historia das que contou, pero si a forza coa que falaba da vida alí.

 Eu participaba nos grupos xuvenís e continuei o meu camiño pastoral na parroquia, comprometida en distintos voluntariados e apostolados. Pasaron os anos e non me quitaba da cabeza a súa “forza”. Sentía que, a pesar dos meus moitos compromisos, faltábame algo. Quería “vivir” e non “facer”».

Pasaron oito anos, durante os cales se preparou para realizar este compromiso cos máis pobres.

Pero eu xa tiña unha frase que se me repetía na cabeza e no corazón: “Señor, teño alma misioneira”. Non sabía que cambiaría en min, como ía vivir, que ía pasar despois. 

Espertouse no meu interior un alma misioneira con moitos medos e dúbidas, pero cunha fe e unha confianza que non sentira nunca».

Ata que, por fin, realizou a súa primeira viaxe a Honduras. Alí traballou como voluntaria en cinco aldeas: visitou aos presos nos cárceres, deu para comer a nenos  desnutridos, ensinou a ler, axudou a construír un pozo de auga, colaborou na catequese… https://www.facebook.com/proclade/videos/vb.121422304678551/748422761978499/? type=2& theater

Alí viviu os mellores días da súa vida: «os días máis bonitos, máis intensos, máis cheos de vida e de fe que tiven. Aprendín, coma se fose unha nena de cinco anos, que significan realmente termos como vida, xustiza, dignidade e fe. Esa foi e é a Igrexa na que creo».

 Entón, Laura decidiu traballar como voluntaria en  Proclade, unha ONGD (Organización non Gobernamental de Desenvolvemento) dos  claretianos.

Desde entón, «todos os veráns seguín participando en experiencias que me levaron a Honduras, Paraguai e Uganda. E sempre me segue resultando moi difícil volver a casa, coma se estivésenme arrincando unha parte de min cada vez que collo o voo de regreso a Madrid».

Aos 31 anos decidiu comprometerse máis e responsabilizouse do Departamento de Estudos e Sensibilización de  Proclade (Revista Misioneiros nº 137, 2013, páxs. 15 e 16).

1 Que é a Igrexa? Quen a forma?

2 Por que reforzou Laura a súa pertenza á Igrexa e comprometeuse coa Igrexa?

3 Que che ensina o seu testemuño? E para colaborar na misión da Igrexa?

4 Escribe unha resposta á seguinte opinión, cos teus propios argumentos e coa información deste apartado: 

«Eu estou bautizado, fixen a Primeira Comuñón e creo en Deus, pero non creo na Igrexa nin colaboro na súa misión, porque a Igrexa é para os curas».

5 Investigar: buscade e visitade a web de  Proclade ou misioneira e realizade as actividades seguintes:

https://www.fundacionproclade.org/

http://www.portalmisionero.com/quierocolaborar. htm

a) Que apartado é máis interesante? Por que?

b) Como se pode colaborar?